ഓസോണ് ദിനം
ഇന്ന് ലോക ഓസോണ്ദിനം. ഭൂമിയെ ഒരു കുടപോലെ പൊതിഞ്ഞുസൂക്ഷിക്കുന്ന ഒരു ആവരണമാണ് ഓസോണ്പാളി. അതിന്റെ സംരക്ഷണാര്ത്ഥമായാണ് ഈ ദിനം നാം
ആചരിക്കുന്നത്. അപ്രതീക്ഷിതമായാണ് അപകടരഹിതമെന്നു കരുതപ്പെട്ട ക്ലോറോ
ഫ്ലൂറോ കാര്ബണുകള് ഭൂമിയിലെ ജീവന് ഗുരുതരമായ ഭീഷണി ഉയര്ത്തുന്ന ഒന്നായി
തിരിച്ചറിയപ്പെട്ടത്. ഷെറി റോലന്ഡ്, മാറിയോ മോലിന എന്നീ രണ്ടു ഗവേഷകര്
പ്രസിദ്ധീകരിച്ച ഒരു ഗവേഷണപ്രബന്ധമാണ്, ഓസോണ്പാളിയെ കാര്ന്നുതിന്നുന്നവയാണ്
ക്ലോറോ ഫ്ലൂറോ കാര്ബണുകളെന്ന സത്യം ലോകത്തോട് വിളിച്ചുപറഞ്ഞത്. ഏറെ
വൈകിയാണെങ്കിലും എത്തിച്ചേര്ന്ന ഒരു അന്താരാഷ്ട്ര ഉടമ്പടിയുടെ ഓര്മ്മപുതുക്കല്
കൂടിയാണ് ഈ ദിനം. ക്ലോറോ ഫ്ലൂറോ കാര്ബണുകളുടെ ഉല്പ്പാദനവും ഉപഭോഗവും
സമയബന്ധിതമായി നിര്ത്തണമെന്ന് നിര്ദ്ദേശിച്ച ഈ ഉടമ്പടി മോണ്ട്റിയല്
പ്രോട്ടോകോള് എന്നാണറിയപ്പെടുന്നത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ